ABŞ təbii fəlakətlə üz-üzədir.

CBS-in məlumatına görə, dünyanın ən böyük (Ölçüsü iki Tokio şəhəri boyda) vulkanlarından birinin püskürməsi Apokalipsisə gətirib çıxara bilər.

Vayominq ştatında qeyzerlər göllərindəki supervulkan "Yellouston" fəallaşmağa başlayıb. Xəbərdə deyilir ki, onun ölçüləri 4000 kvadrat kilometrə çatır. Əgər "Yellouston" oyanarsa, nəinki ABŞ, bütün planet təhlükə qarşısında qalacaq.

Amerika geoloqları bu yaxınlarda "Yellouston" parkında ölçmələr aparıblar və dəhşətə gəliblər. Yerli qeyzer göllərində temperatur normadan 20 dərəcə artıb. Bu hələ təhlükənin hamısı deyil. Həyəcan üçün əsas səbəb yeraltı təkanlardır ki, son zamanlar qoruğun ərazisində tez-tez təkrarlanır. İndiyə qədər artıq 60 təkan qeydə alınıb.

Mütəxəssislər təsdiq ediblər ki, vəhşi heyvanlar tələsik şəkildə parkın ərazisini tərk edirlər, kraterdə isə maqmanın hərəkəti müşahidə olunur. Əgər Yerdə ən güclü hərəkətdə olan vulkandakı xəndək yarılsa, dəhşətli ekoloji fəlakət baş verəcək.

"Yellouston" oyanarsa partlayışın gücü 1000 atom bombasının detonasiyası gücü ilə müqayisə oluna bilər. Bu zaman bütün ölkə coxtonlu toz kütləsi altında qalacaq. Alimlər supervulkanın digər ölkələrə fəsadlarını istisna etmirlər.

Hazırda tədqiqatçılar Yelloustonu yüksək təhlükə ocağı hesab edirlər. ABŞ hökuməti isə hələlik təhlükənin baş verə biləcək nəticələrinin qarşısını almaq üçün heç bir qabaqlayıcı tədbir görmür. ("AzNews.az")