Qondarma Dnestryanı bölgənin qlamur "xarici işlər naziri" Nina Ştanski Rusiyaya yaxınlaşmaq, "respublika"nın perspektivləri və Moldovanın təzyiqləri haqda geniş müsahibə verib.

"Axar.az" xəbər verir ki, artıq rəsmi Kişinyov qondarma qurumun "baş diplomat"ının Rusiyanın aparıcı kanallarından olan "Lifenews"un tribunasından istifadəsini aşkar separatçılıq, rəsmi Moskvanı isə hadisələri gərginləşdirməkdə təqsirli sayıb.

Ştanskaya Krımın Rusiyaya birləşdirilməsini alqışlyaraq rəsmi Moskvanın hərəkətlərinə haqq qazandırıb: "Krımın Rusiyaya birləşdirilməsi arqumentləri Dnestryanı bölgə üçün də uyğun gəlir. Bizi tarix, din, dil birliyi birləşdirir. Biz özümüzü rus dünyasının, rus ruhunun tərkib hissəsi sayırıq. Dnestryanı bölgə 23 il ərzində müstəqil ölkə kimi yaşamaq imkanını sübut etdi. Bütün təzyiqlərə baxmayaraq, biz hüquqi bir dövlət qurduq. Bölgənin müstəqilliyi respublikada keçirilən referendumda təsdiqlənib. Biz Rusiyaya birləşməyə hazırıq və bu istiqamətdə səy göstərəcəyik".