Çeçenistanda piyadaların döyüş maşını (PDM) partladılıb, nəticədə 4 Rusiya hərbçisi həlak ölub, daha 7 hərbçi isə yaralanıb.

"Axar.az" APA-ya istinadən xəbər verir ki, bu barədə Rusiya XİN açıqlamasında bildirilir.

Açıqlamada bildirilir ki, Daxili Qoşunlara məxsus PDM (Piyadaların Döyüş Maşını) Çeçenistanın Açxoy-Martan rayonunun Yandi kəndi yaxınlığında minaya düşüb, baş vermiş partlayış nəticəsində 4 hərbçi həlak olub, daha 7 hərbçi isə yaralanaraq Qroznıdakı tibbi-sanitar taboruna aparılıb.

İstintaq Komitəsinin məlumatına görə, insident ötən gün 11.40-da baş verib.

Faktla bağlı cinayət işi başlanıb.