İsrail hərbi təyyarələri gecə saat 01:50-də Fələstində Qəzzanı bombalayıb.

"Axar.az" Şərq mətbuatına istinadən xəbər verir ki, gecə Qəzzaya edilən hava hücumunda biri uşaq olmaqla 2 adam yaralanıb.

Hava hücumlarında yaralanan 2 adam Şəfa xəstəxanasına yerləşdirilib. İsrail, Əbu-Cərad adı ilə tanınan İzəddin Əl-Əzələysəm briqadalarına aid bölgəyə hücum təşkil edib. Daha sonra ardbaard edilən hücumlarla bütün bölgəni nəzarət altında saxlayıb.

Fələstin qaynaqlarından verilən məlumata görə, cəmi 20 dəqiqə içərisində Qəzzaya 16 dəfə hava hücumu təşkil edilib.

İsrail təyyarələrin Qəzza səmalarında uçduğu vaxtda döyüş gəmiləri də sahildəki evləri atəşə tutub.