"Ziraat" bankının İdarə Heyətinin üzvü seçilən Süleyman Arslanın bu gün and içəcəyi gözlənilir.

"Axar.az" xəbər verir ki, "Ziraat" bankının ümumi toplantısının bildirişinə görə, "Halkbank"ın keçmiş sahibi Süleyman Arslan səsvermə ilə üç il müddətinə İdarə Heyətinin üzvü seçilib.

"Röyters"in xəbərinə görə, Arslanın bu gün andiçmə mərasimindən sonra idarə heyətindəki vəzifəsini rəsmən icra edəcəyi gözlənilir.

Xatırladaq ki, 17 dekabr rüşvət əməliyyatları zamanı evində ayaqqabı qutusundan 4.5 milyon dollar tapılan "Halkbank"ın keçmiş sahibi Süleyman Arslan 2 ay həbsdə qaldıqdan sonra azad edilib.