Ana səhifə Planet |
Suriya dövlət televiziyası Tehran rəhbərliyinin Suriya rejiminə 30 min ton qida yardımı etdiyini, yardımların Aralıq dənizi sahilindəki limana çatdığını bildirib.
"Axar.az" xəbər verir ki, qida daşıyan gəmi və ya gəmilərin Aralıq dənizində hansı limana yanaşdığı haqqında məlumat verilməyib.
İran daha əvvəl də Suriya rejiminə iqtisadiyyatının çöküşünün qarşısını almaq üçün bir çox yardımlar edib. 2013-cü ilin mayında Əsəd rejiminin neft məhsulları satın ala bilməsi üçün Suriyaya 3.6 milyard dollarlıq kredit yolunu açıb. İran Əsəd rejimin arxasındakı ən əhəmiyyətli qüvvədir. İran tərəfindən dəstəklənən Hizbullah təşkilatı da Suriya prezidenti Bəşər Əsədin rəhbərliyinin yaxın müttəfiqidir.
Xatırladaq ki, Suriyada dördüncü ildir ki, davam edən vətəndaş müharibəsində 150 mindən çox adam ölüb. Ölkədəki vətəndaş müharibəsində ölənlərin üçdə birindən çoxu sadə vətəndaşlardır.
Tarix
2014.04.09 / 10:30
|
Müəllif
Nilufər Muğantürk
|