Türkiyə Böyük Millət Məclisinin Ərdahandan olan deputatı Ensar Öyüt Gürcüstan tərəfində maqistral yolun təmirinə göstərdiyi kömək üçün Azərbaycan dövlətinə təşəkkür edib.

"Axar.az"ın xəbərinə görə, sərhəd məntəqəsinin 2014-cü ilin avqust ayında istifadəyə verilməsindən sonra Azərbaycana Ərdahandan 2 saatlıq yol olacağını diqqətə çatdıran deputat onu da vurğulayıb ki, "bu sərhəd qapısının açılması vilayətin iqtisadi inkişafına da təkan verəcək".

Xatırladaq ki, türkiyəli deputat Ensar Öyüt 2007-ci ildə parlament nümayəndə heyətinin tərkibində Azərbaycan Prezidentinin qəbulunda olduğu zaman maqistral yolun təmir olunması barədə ona müraciət edib.