Avropa Parlamenti (AP) sosial şəbəkələrdə radikallığa meyilli görüntülər paylaşan Fransanın ultrasağçı Milli Cəbhə Partiyasının lideri Marina Le Penin toxunulmazlığının ləğvi ilə bağlı səsvermə keçirib.

Axar.az xəbər verir ki, səsvermə zamanı parlamentarilərdən 18-i partiya liderinin toxunulmazlığının ləğvini istəyib. Yalnız 3 deputat bu qərara qarşı çıxıb.

Səsvermə Fransanın səlahiyyətli şəxslərinin rəsmi müraciəti əsasında keçirilib. Belə ki, bununla bağlı qərar qəbul edilərsə, radikal lideri 3 ilə qədər həbs gözləyir.

Xatırladaq ki, Le Pen 2015-ci ildə öz Tvitter səhifəsində İŞİD-in başkəsmə videolarını açıq şəkildə yayımlamışdı. Onların arasında amerikalı jurnalist Ceyms Follinin öldürülməsi ilə bağlı görüntülər də vardı.