İraq ordusu olmasaydı, İŞİD indi Səudiyyə Ərəbistanında idi.

Axar.az xəbər verir ki, bunu jurnalistlərə açıqlamasında İraqın Baş naziri Heydər Abadi söyləyib.

“İraq ordusunun terrorla mübarizədəki uğurları sayəsində İŞİD-in Fars körfəzi ölkələri və Səudiyyə Ərəbistanına müdaxilə etməsinin qarşısı alınıb. Bizim ordunun İŞİD-lə mübarizədəki rolu çox önəmlidir. Dünya hazırda bundan faydalanır. Yaxın Şərqdəki savaşlar, tezliklə, başa çatdırılmalıdır. Bizim regionun ölkələri yenidən İŞİD-ə bənzər qrupların ortaya çıxmaması üçün ortaq hərəkət etməlidirlər”, – deyə o bildirib.