Belarus və Rusiya arasında olan problemli məsələləri həll etmək istəyirlər.

Axar.az xəbər verir ki, bunu jurnalistlərə açıqlamasında Belarus Xarici İşlər naziri Vladimir Makey söyləyib. O, Rusiya və Belarus İttifaq Dövlətinin dəfn edilməsinin tez olduğunu bildirib.

Qeyd edək ki, Rusiya və Belarus İttifaq Dövləti 1996-cı ildə yaradılıb.

Son günlər Rusiya ilə Belarus arasında qaz borcuna görə münasibətlər gərginləşib. Rəsmi Minsk qaza görə heç bir borcunun olmadığını açıqlasa da, Rusiya bunu inkar edib və müttəfiqinin borcunun 600 milyon dollara çatdığını bildirib. Üstəlik, Rusiya Belarusla sərhəddə yenidən keçid zonaları yaradıb. Moskva Minski cəzalandırmaqdan ötrü Belarusdan mal əti idxalına da qadağa qoyub.