Türkiyənin dəstəklədiyi Azad Suriya Ordusu ilə (ASO) ABŞ-ın dəstək verdiyi Demokratik Suriya Qüvvələri (DSQ) arasında şiddətli qarşıdurma yaşanır.

Axar.az xəbər verir ki, Suriyanın Menbic bölgəsinin qərbi və cənub-qərbində tərəflər arasında savaş başladığı bildirilib.

Türkiyə top atışları ilə ASO-ya dəstək verərək DSQ-nın mövqelərini bombardmana məruz qoyur. İŞİD isə Menbicin cənubundan DSQ qüvvələrinə hücum edir.

"Fərat qalxanı" əməliyyatı çərçivəsində ASO YPG-nin rəhbərlik etdiyi DSQ-nın nəzarətində olan Qorxiko, Xolaş və Xalidə kəndlərini ələ keçirməyə çalışır.

Şiddətli qarşıdurmalar zamanı 5 İŞİD üzvünün öldürüldüyü də bildirilib.