Moldova Xarici İşlər Nazirliyi heç bir səbəb göstərmədən Rusiyadakı səfir Dmitri Braqişi geri çağırıb.

Axar.az “Kommersant” qəzetinə istinadən xəbər verir ki, Kişinyovun belə addım atması Moskvada təəccüblə qarşılanıb. Belə ki, Braqiş indiyə qədər Rusiya rəhbərliyini kifayət qədər qane edən şəxs sayılıb.

Moldovalı ekspertlər isə Braqişin geri çağrılmasının rusiyayönlü prezident İqor Dodonla avropayönlü hökumətin toqquşmasının nəticəsi olduğunu bildirib.

Qeyd edək ki, Dodon rusiyayönlü siyasətçidir. O, Moldovanın Avrasiya İttifaqı istiqamətində irəliləməsinin tərəfdarıdır. Dodon hətta Rusiya olmadan Moldovanın gələcəyinin olmadığını da bəyan edib.