İŞİD terror təşkilatı uyğurları Çinə qarşı mübarizəyə səsləyib.

Axar.az xəbər verir ki, İŞİD yayımladığı müraciətdə, tezliklə, Çinə də gələcəyini bildirib. Terror təşkilatı həmçinin Türkistan İslam Partiyasını mürtəd (dinindən dönmüş – red.) elan edib.

Qeyd edək ki, Türkistan İslam Partiyası uyğurların azadlığı uğrunda mübarizə aparır. Təşkilat 1996-cı ildən fəaliyyət göstərir. TİP xüsusilə Çin və Pakistan ərazisində aktivlik nümayiş etdirir. İndiyə qədər Rusiya, ABŞ, Çin, Pakistan, Qazaxıstan, Qırğızıstan və Avropa Birliyi TİP-i terror təşkilatı kimi tanıyır. Təşkilatın əsas ideologiyası uyğur millətçiliyi, panislamizm hesab edilir.