Almaniya hökuməti bu addımı atmaqla demokratlar arasındakı körpüləri zədələyir.

Axar.az xəbər verir ki, bu sözləri Türkiyənin Avropa Birliyi işləri üzrə naziri və baş müşavir Ömər Çelik Ədliyyə naziri Bəkir Bozdağın Almaniyada çıxışına qadağa qoyulması ilə bağlı Tvitter səhifəsində yazıb.

“İnsanları biri-birindən qopararaq ideoloji Berlin divarları inşa edirlər”, - Çelik bildirib.

Qeyd edək ki, Bozdağ referendum təşviqatı ilə bağlı Almaniyanın Karlsruhe şəhərində türklər qarşısında çıxış etməli idi. Əvvəlcə nazirin çıxışına icazə verilsə də, sonradan qadağa qoyulub.