Türkiyə xarici işlər naziri ​Mövlud Çavuşoğlu Kürdüstan bayrağının Ankarada dalğalandırılmasına münasibətini açıqlayıb.

Axar.az xəbər verir ki, Çavuşoğlu İraq Kürd Regional Rəhbərliyinin lideri Məsud Bərzaninin Ankara səfəri zamanı Türkiyə bayrağı ilə yanaşı Kürdüstan bayrağının dalğalandırılmasının ilk dəfə aparılan bir təcrübə olmadığını bildirib.

Çavuşoğlu məsələnin şişirdilməsinin doğru olmadığını, bunun adi protokol qaydasının tətbiqi olduğunu söyləyib.

Qeyd edək ki, MHP lideri Dövlət Baxçalı Kürdüstan bayrağının Ankarada rəsmi səfər zamanı dalğalandırılmasına kəskin etirazını bildirmişdi.