Bu skandal qərarın PKK və FETÖ kimi ölkələrə qucaq açan bir ölkədə qəbul edilməsi Avropanın gələcəyi üçün olduqca narahatlıq doğurur.

Axar.az xəbər verir ki, bu sözləri Türkiyə Prezident Administrasiyasının sözçüsü İbrahim Qalın nazirlər - Bəkir Bozdağ və Nihad Zeybekçinin Almaniyada keçiriləcək toplantıya qatılmasına qadağa ilə bağlı Tvitter səhifəsində yazıb.

O, bu qərarı sərt şəkildə qınadığını bildirib.

Qeyd edək ki, Bozdağ və Zeybekçinin Almaniyanın müxtəlif şəhərlərində referendumla bağlı təşviqat toplantısı nəzərdə tutulmuşdu. Əvvəlcə həmin toplantılara icazə verilsə də, sonradan Almaniya icazə qərarını ləğv edib.