Gürcüstanın paytaxtı Tiflisdə səfərdə olan NATO Hərbi Komitəsinin rəhbəri Petr Pavel bu ölkənin müdafiə naziri Levon İzoriya ilə görüşüb.

Axar.az xəbər verir ki, tərəflər arasında NATO-Gürcüstan münasibətləri, ölkənin NATO-ya interqrasiyası, regional siyasi proseslər, Qara dəniz bölgəsinin təhlükəsizliyi müzakirə olunub.

Pavel danışıq əsnasında NATO-nun Gürcüstanın ərazi bütövlüyünü dəstəklədiyini bildirib və Rusiyanın Cənubi Osetiya və Abxaziyanın müstəqilliyini tanınması ilə bağlı qərarından imtina etməli olduğunu vurğulayıb.

Qeyd edək ki, Pavel 2 günlük səfəri çərçivəsində Gürcüstanın digər rəsmi şəxsləri ilə də görüşəcək.