Rusiya Dumasının rəhbəri Vyaçeslav Volodin Ermənistana səfər edəcək.

Axar.az xəbər verir ki, bu barədə informasiyanı Rusiya Dumasının Mətbuat Xidməti yayıb. Volodin İrəvanda Ermənistan Prezidenti Serj Sərkisyan və parlamentin spikeri Qalust Saakyanla görüşəcək.

Volodinlə bərabər, İrəvana Dumanın millət vəkilləri Leonid Kalaşnikov, Yevgeni Moskviçev və Sergey Qavrilov gələcək. Maraqlı məqam odur ki, Rusiya nümayəndə heyətinin tərkibində qondarma Krım Dövlət Şurasının sədri Vladimir Konstantinov da olacaq.

Qeyd edək ki, Krım Ukrayna ərazisidir. Yarımada 2014-cü ilin martında Rusiya tərəfindən qanunsuz ilhaq olunub.