Almaniya Federal Kəşfiyyat Bürosu Rusiya kəşfiyyatçılarının ölkədəki fəaliyyətləri ilə bağlı ölkənin siyasi xadimlərinə xəbərdarlıq edib.

"Axar.az" xəbər verir ki, alman kəşfiyyatı rus kəşfiyyatçılarının özlərini ölkədə diplomat kimi təqdim edərək, siyasi ağırlığı olan şəxslərlə yaxın əlaqələr qurmağa çalışdıqlarını vurğulayıb.

Kəşfiyyatın bildirdiyinə görə, rus agentlər özləri üçün kimlərin faydalı ola biləcəklərini çox yaxşı analiz edirlər. Xüsusilə də rusiyalı agentlər Almaniya parlamentinə yeni seçilən millət vəkillərini seçirlər.

Almaniya kəşfiyyatı həmçinin rusların NATO və AB ilə əlaqədar bəzi bilgilər əldə etməyə çalışdıqlarını qeyd edirlər.