Şimali Koreyanın Malaziyadakı səfiri Kanq Çol arzuolunmaz şəxs elan edilib və ölkəni tərk etməsi üçün 48 saat vaxt verilib.

Axar.az xəbər verir ki, bu sözləri Malaziya Xarici İşlər naziri Anifah Aman deyib.

“Açıq şəkildə deyilməlidir. Malaziya hökuməti təhqirlərə adekvat cavab verəcək. Səfir Kanq məlum cinayətdən sonra dövlət rəsmilərinə böhtan ataraq nüfuzumuza xələl gətirdi. Onun üzr istəməsini tələb etsək də, bunu etmədi”, - Aman bildirib.

Qeyd edək ki, Şimali Koreya lideri Kim Çen İnin qardaşı Kim Çen Nam Malaziya aeroportunda sinir qazı vasitəsilə qətlə yetirilmişdi.