Prezident Rodriqe Dutertenin həyata keçirdiyi narkotiklərlə mübarizə çərçivəsində insan haqlarının pozulması ilə əlaqədar ABŞ dövlət departamenti Filippin hökumətini tənqid edib.

Axar.az xəbər verir ki, ötən həftə dövlət departamenti insan haqları sahəsində beynəlxalq vəziyyətlə bağlı hesabatını dərc edib.

Hesabatda qeyd edilir ki, Filippin polisi və onun könüllü yardımçıları tərəfindən 2016-cı ilin altı ayı ərzində narkotik maddələrin ticarətində və istehlakında şübhəli bilinən 6 min nəfər öldürülüb.