Yuxarı

Çin 2017-dəki hədəflərini açıqladı

Ana səhifə Planet
12 Punto 14 Punto 16 Punto 18 Punto

Çin Xalq Respublikası (ÇXR) hökuməti cari ildə ümumi daxili məhsulun artımını 6,5 faiz səviyyəsində hədəfləyib.

Azərtac-ın məlumatına görə, bu barədə ÇXR Dövlət Şurasının sədri (Baş nazir) Li Keçyan 12-ci çağırış Ümumçin Xalq Nümayəndələri Yığıncağının beşinci sessiyasında hökumətin hesabatını təqdim edərkən deyib.

Qeyd edək ki, bu rəqəm dünyanın ikinci ən böyük iqtisadiyyatına malik Çinin son 25 ildə ən aşağı ümumi daxili məhsul artımı göstərici ola bilər. Belə ki, Çinin ildən-ilə artan iqtisadi inkişaf tempində son 6 ildə hər il azalma müşahidə olunur. Ötən il Çinin ümumi daxili məhsulu 6,7 faiz artmışdı.

Baş nazir bildirib ki, hökumət bu il şəhər yerlərində 11 milyon yeni iş yeri açmağı planlaşdırır ki, bu da ötənilki rəqəmdən 1 milyon çoxdur.

Ölkənin ali qanunverici orqanı olan Ümumçin Xalq Nümayəndələri Yığıncağının sessiyasında Çin üzrə təxminən 3 minə yaxın nümayəndə iştirak edir. Bir həftə davam edəcək sessiyada ölkə həyatının müxtəlif sahələrinə aid məsələlərlə bağlı müzakirələr aparılacaq, cari il üçün ölkə büdcəsi və iqtisadi inkişaf planı təsdiq olunacaq.

Ümumçin Xalq Nümayəndələri Yığıncağının hər çağırışının səlahiyyət müddəti 5 ildir. Onun sessiyaları ildə bir dəfə çağırılır. Sessiyalar arasında olan müddət ərzində Ümumçin Xalq Nümayəndələri Yığıncağının funksiyalarını onun Daimi Komitəsi həyata keçirir. Ümumçin Xalq Nümayəndələri Yığıncağının sessiyası ilə paralel olaraq Ümumçin Siyasi Məşvərət Şurasının illik iclası da keçirilir.

Tarix
2017.03.05 / 16:32
Müəllif
Axar.az
Şərhlər
Digər xəbərlər

Bəs, İranın “qırmızı xətti” idi? Tehran niyə səsini çıxarmır?

İran bu ölkələri Xəzərə buraxmaq istəmir

Bu, Bakıya təhdiddir: hazırlaşmalısınız – Mixaylov

Makronun “revanş” cəhdi Nikolu niyə qorxutdu?..

Nikolun Qarabağ qərarından sonra Putin ona dedi ki… - Lavrov

Bu, Azərbaycanın siyasi cəsarətini nümayiş etdirdi - Video

Fransa universitetində Bakının siyasətindən danışıldı

Simonyan: Qafarovaya bunu dedim, razılaşdıq… - Yeni görüş

“Dünya masası” qurulur: Bakı orda olacaq, həm də…

Bakıya təriflər yağdıran Anders niyə ermənipərəst oldu?

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla