Avstriya Xarici İşlər naziri Sebastyan Kurtsun qaçqınları Gürcüstanda yerləşdirmək təklifi birbaşa Rusiyanın milli təhlükəsizlik maraqlarına toxunur.

Axar.az xəbər verir ki, bunu jurnalistlərə açıqlamasında Rusiya Federasiya Şurasının Müdafiə və Təhlükəsizlik Məsələləri Komitəsinin sədr müavini Frans Klintseviç söyləyib. O, Gürcüstanla Rusiyanın tarixi əlaqələrinin olduğunu və bu ölkədəki situasiyanın Rusiyanı hər zaman maraqlandırdığını bildirib. Klintseviç Rusiyanın hələ də Pankisi dərəsində (Gürcüstan – red.) hazırlanan terrorçuların Şimali Qafqazda peyda olmasını unutmadığını bildirib.

Qeyd edək ki, dünən Avstriya XİN rəhbəri Sebastyan Kurts Gürcüstanda qaçqınlar üçün Avropa mərkəzləri açmağı təklif edib.