Türkiyənin keçmiş Baş Qərargah rəisi, general Yaşar Böyükanıt xəstəxanaya yerləşdirilib.

Musavat.com-un məlumatına görə, Yaşar Böyükanıtın infarkt keçirdiyi, Sultan Əbdülhəmid xəstəxanasının reanimasiya şöbəsinə yerləşdirildiyi bildirilir. Generalın həyat yoldaşı Filiz Böyükanıt Türkiyənin sozcu.com saytına açıqlama verib.

O, qeyd edib ki, həyat yoldaşının heç bir xəstəliyi olmayıb, onun vəziyyəti birdən pisləşib və dərhal xəstəxanaya çatdırılıb: "Bu gün reanimasiyada qalacaq, sabah isə palataya yerləşdiriləcək. Yaşar Böyükanıtın halı gözlənilmədən pisləşdi və nə edəcəyimizi bilmədik. Əl-ayağımız bir birinə dolaşdı. Hazırda mən də xəstəxanadayam".