Mən də xaricdə vətəndaşlarımızla bir araya gəlməyi arzu edirəm. Hazırda dostlarımız bununla bağlı iş aparırlar.

Axar.az xəbər verir ki, bu sözləri Türkiyə Prezidenti Rəcəb Tayyib Ərdoğan Almaniyaya səfəri ilə bağlı TRT 1-ə açıqlamasında deyib.

“Bizim seçki əslində Almaniyada deyil, burda keçiriləcək. Orada yaşayan vətəndaşlarımız var. Onlar hər zaman demokratik haqlarından istifadə etməyi düşünürlər. Bir çox maneələr yaradıldı. Nazirlərimizin çıxışına qadağa qoydular”, - Ərdoğan bildirib.

Dövlət başçısı çıxışının sonunda Avropada yaşayan türklərə çağırış edib:

“Hansı maneələr yaratmalarından asılı olmayaraq, elan edilən tarixdə seçki məntəqələrinə gedib səsinizi verin. Bu səslər bütün ölkələrə veriləcək ən yaxşı cavab olacaq”.