Ermənistanın diplomatik məğlubiyyətlərinin əsas səbəbkarı Serj Sərkisyandır.

Axar.az xəbər verir ki, bunu jurnalistlərə açıqlmasında erməni politoloq Stepan Qriqoryan söyləyib. O, Sərkisyanın həmişə Moskvanın təklif etdiyi hər şeylə razılaşdığını bildirib:

“Bizim səfirlər həqiqətən kifayət qədər aktiv deyillər. Təəssüf edirəm ki, artıq bu vəziyyəti xaricdə də görürlər. Belarus və Ukrayna ilə olan son problemlərə nəzər yetirin. Bütün bunlara görə məsuliyyəti Sərkisyan daşıyır.

Sərkisyan ayın 14-də Moskvaya səfər edəcək. Əvvəlcədən yeni hərbi-siyasi sənədin imzalanacağı deyilir, amma təəssüf ki, bu cür sənədlər Ermənistanın təhlükəsizliyini gücləndirmir. Məsələn, birgə hava hücumundan müdafiə sistemi bizim suverenliyimizi məhdudlaşdırdı. Rusiyadan birdəfəlik imtina etmək lazımdır. Rusiya hazırda Minski Belarusda yeni hərbi baza açmaq üçün razı salmağa çalışır, amma Lukaşenko bununla razılaşmır. Biz isə onlara arzu etdikləri hər şeyi veririk. Belarus müqavimət göstərir. Putin Qırğızıstanda ölkənin suverenliyini tanıdığını deməli oldu. Ona görə ki, Bişkek də müqavimət göstərir. Yalnız Ermənistan hökuməti ona təklif edilən hər şeyi imzalayır”.