Şotlandiyada müstəqilliklə bağlı referendum 2018-ci ildə keçirilə bilər.

Axar.az xəbər verir ki, bunu BBC-yə açıqlamasında Şotlandiyanın Baş naziri Nikola Stercen söyləyib. O, bu addımı Böyük Britaniyadakı vəziyyətin necə inkişaf edəcəyindən asılı olaraq atacaqlarını bildirib.

Qeyd edək ki, Şotlandiya əhalisi Britaniyanın Avropa Birliyindən çıxmasının əleyhinə çıxış edir.

Şotlandlar 2014-cü ildə müstəqilliklə bağlı referendum keçiriblər. O zaman ölkə əhalisinin 55%-i müstəqilliyin əleyhinə səs veriblər. Britaniya Baş naziri Tereza Mey isə bir müddət əvvəl açıqlamasında Şotlandiyanın heç vaxt müstəqil olmayacağını bildirib.