Menbic sakinlərinin evlərinə dönməsi üçün Türkiyə, Rusiya və koalisiya qüvvələri sıx əməkdaşlıq etməlidir.

Axar.az xəbər verir ki, bu sözləri Türkiyə lideri Rəcəb Tayyib Ərdoğan rusiyalı həmkarı Vladimir Putinlə görüşündən sonra keçirilən ortaq mətbuat konfransı zamanı deyib.

“Bildiyimiz kimi, Menbiclə bağlı Türkiyə-Rusiya olaraq koalisiya qüvvələri ilə əməkdaşlıq etmək istəyirik. Bu əməkdaşlıq nəticəsində Menbic xalqının evlərinə qayıtmasını təmin etməliyik. Bundan sonrakı əsas hədəf Rakkadır. İŞİD-in ən strateji bölgələrindən biri də məhz bu şəhərdir. Kəşfiyyat məlumatlarına görə, 3 minə yaxın İŞİD-çi Rakkadadır”, - Ərdoğan bildirib.