Hollandiyada səfərdə olan Türkiyə Xarici İşlər naziri Mövlud Çavuşoğlunun Rotterdam şəhərində referendum mitinqi keçirməsinə icazə verilməyib.

Axar.az xəbər verir ki, bu barədə sözügedən şəhərin bələdiyyə sədri Əhməd Əbutaleb məlumat verib.

“Çavuşoğlunun diplomatik toxunulmazlığı var və biz ona hörmət edəcəyik. Lakin ictimai yerlərdə tədbirləri qadağan etmək üçün başqa vasitələrimiz mövcuddur”, - bələdiyyə sədri bildirib.

Qeyd edək ki, analoji qərar Almaniyada da digər türk nazirləri ilə bağlı qəbul edilmişdi.