Rusiyanın əsas məqsədi Avropa Birliyi və NATO-dakı müttəfiqlər arasında parçalanma yaratmaqdır.

Axar.az xəbər verir ki, bunu ABŞ Konqresinin Nümayəndələr Palatasında çıxışı zamanı Estoniyanın eks-prezidenti Tomas Hendrik İlves söyləyib. O, Moskvanın belə parçalanmanı avroskeptikləri hakimiyyətə gətirməklə edəcəyini bildirib:

“Seçkilər öncə Fransa və Almaniyada olmalıdır. Bu il İtaliya və Niderlandda da seçki olacaq. Biz hazırda bütün bu ölkələrə müdaxilələrin şahidi oluruq. Bunların içərisində ən məşhuru Fransadakı Marin Le Pendir. Onun partiyası Rusiya bankından 9 milyon dollar əldə edib. Moskvanın əsas hədəfi isə Angela Merkeldir. Ona görə ki, məhz bu siyasətçi Rusiyaya qarşı sanksiyaların əsas təşkilatçısıdır”.