Kanadanın Edmonton şəhərində polisin Vitaliya Savina adlı rus sürücünü öldürməsi ilə bağlı video yayılıb.

Axar.az xəbər verir ki, yayılan görüntülərdə atəş açılaraq öldürülən sürücünün yerdə uzandığı və polislərin onu həyata qaytarmaq üçün etdiyi cəhdlər açıq-aydın görünür.

Qeyd edək ki, 9 mart tarixində yol patrul xidmətinin əməkdaşları Savinaya qayda pozduğu üçün saxlama əmri veriblər. Bundan sonra avtomobili saxlayan sürücü bıçaqla polisə xəsarət yetirmək istəsə də, dərhal atəş açılaraq öldürülüb.

Hadisə ilə bağlı araşdırma aparılır.