Türkiyə prezidentinin sözçüsü İbrahim Qalın Hollandiyanı sərt tənqid edib.

Axar.az xəbər verir ki, Qalın Tvitter hesabında Hollandiya hökumətini faşistlərə boyun əyməkdə ittiham edib.

“Hollandiya hökumətinin qalmaqallı qərarı islam düşməni irqçi-faşist partiyaya və zehniyyətə boyun əyməsinin açıq göstəricisidir. Hökumətin anti-islamçı, irqçi və faşistlərə məğlub olması və uzun müddətdir var olan Türkiyə-Hollandiya münasibətlərinə zərər verməsi utancvericidir. Hollandiyada bir neçə gün sonra seçkilər baş tutacaq. Dünən gecə Geert Vildersin zatən iqtidarda olduğunu gördük. Hollandiya dövlətinin türk nazirlərə qarşı addımı Avropa demokratiyası və sülhsevər insanlar üçün qara gün olduğunu göstərir”.