Ermənistanın müxalif deputatı Zarui Postancyan yeni partiya yaradır.

Axar.az xəbər verir ki, bunu “1in.am” saytına açıqlamasında deputat özü söyləyib. O, yeni partiyanı erməni diasporunun dəstəyi ilə yaradacağını bildirib:

“Cəmiyyətdə siyasi qüvvələr və siyasi proseslərə qarşı inamsızlıq mövcuddur. Biz öz fəaliyyətimizi davam etdirəcəyik. Erməni diasporu bizim yaradacağımız partiyanın bir hissəsi olmalıdır. Onlar da Ermənistandakı siyasi fəaliyyətimizə öz dəstəklərini verməlidirlər”.

Qeyd edək ki, Postancyan bir müddət öncə İrs Partiyasından çıxdığını açıqlayıb. O, Serj Sərkisyanın əsas əleyhdarı kimi tanınır.