Rusiya hökuməti Cənubi Osetiyanın müxtəlif hərbi hissələrinin Rusiya ordusunun tərkibinə daxil olması haqqında razılaşmanı təsdiqləyib.

Axar.az xəbər verir ki, bu barədə informasiya Rusiya Nazirlər Kabinetinin saytında yer alıb.

Qeyd edək ki, bu razılaşmaya əsasən, bundan sonra qondarma respublikanın hərbi biletləri Rusiya ərazisində tanınacaq.

Xatırladaq ki, Cənubi Osetiya Gürcüstan ərazisidir. 2008-ci ilin avqustunda Rusiyanın Gürcüstana hərbi müdaxiləsindən sonra bu torpaqlar Tiflisin nəzarətindən çıxıb. Daha sonra Rusiya qondarma rejimin müstəqilliyini tanıyıb.