İran Suriyanın Latakiya vilayətində hərbi baza yaratmağı planlaşdırmır.

Axar.az xəbər verir ki, bunu jurnalistlərə açıqlamasında İran İslam İnqilabı Keşikçiləri Korpusu komandanının siyasi məsələlər üzrə müavini Rəsul Sənai Rad söyləyib. O, İranın Suriyada yalnız hərbi məsləhətçilərdən ibarət hərbi qrupunun olduğunu bildirib:

“Bizim Suriyada hərbi baza yaratmağımız informasiyası həqiqəti əks etdirmir. Bu cür addımalar regionda qeyri-stabillik formalaşdırmaq və ölkələr arasında fikir ayrılığı yaratmaq üçün atılır”.

Qeyd edək ki, ABŞ mətbuatı bir müddət əvvəl Suriyada İran hərbi bazasının yaradılacağı haqqında informasiya yayıb. Məlumata əsasən, Əsəd İranın hərbi dəstəyi qarşılığında ona olan borcunu bu cür ödəmək istəyir.