Ana səhifə Planet |
Avropa söz azadlığına qarşı neqativ münasibət nümayiş etdirir.
Axar.az xəbər verir ki, bunu “Rossiya Tudey” televiziyasına müsahibəsində Almaniyanın Alman Demokratları Alyansı Partiyasının sədri Rəmzi Aru söyləyib.
“Mən Avropanın söz azadlığına qarşı hazırda göstərdiyi münasibətdən utanıram. Türkiyə nazirlərinin Avropaya nəyisə müzakirə etməyə gəlmələri tamamilə demokratik yanaşmadır. Ona görə də baş verənləri başa düşmək çətindir. Bu, Avropa demokratiyası tarixinin qaranlıq səhifəsidir. Niderlandda baş verən aksiyalara gəlincə isə mən bununla bağlı görüntüləri görəndə ağlıma ilk gələn şey sanki polisin dinc aksiya iştirakçılarına hücum etmələri oldu”, – deyə o bildirib.
Qeyd edək ki, martın 11-də Niderland hökuməti Türkiyə Xarici İşlər naziri Mövlud Çavuşoğlunun təyyarəsinin ölkəyə enişinə izn verməyib. Bundan sonra Niderlanddakı türklərlə görüşə Türkiyənin Ailə İşləri üzrə naziri Fatma Betül yollanıb. Lakin holland polisi onun da ölkəyə girişinə izn verməyib. Hər iki nazir bu ölkəyə türklərdən aprelin 16-da keçiriləcək referenduma dəstək almaq üçün səfər edib.
Tarix
2017.03.13 / 17:50
|
Müəllif
İlkin Həsənov
|