Rusiyanın Ankaradakı səfirliyi 7 dekabr və səfir Andrey Karlovun öldürüldüyü 19 dekabr tarixləri arasında 4 dəfə Türkiyə Xarici İşlər Nazirliyinə nota verib.

Axar.az xəbər verir ki, bu barədə Türkiyənin "Milliyyət" qəzeti məlumat yayıb.

Bu barədə məqalə yazan Tolqa Şardan Rusiyanın 15 iyul qiyamından sonra Türkiyədəki rus diplomatlarına görə narahat olduğunu bildirib.

Qeyd edilir ki, qatilin FETÖ ilə də yaxın əlaqəsinin olduğunu sübuta yetirən dəlillər ortaya çıxarılıb.
Xatırladaq ki, A. Karlov ötən ilin dekabrın 19-da rəsm sərgisində öldürülüb. Rusiyalı politoloq Sergey Markov iki gün öncə açıqlamasında Andrey Karlovun öldürülməsinin Mərkəzi Kəşfiyyat İdarəsi ilə də bağlı ola biləcəyini bildirib.