Çin Almaniyada satılan bəzi köynəklərin üzərində çinlilərə qarşı təhqiredici ifadələrin yer almasına görə satışın dayandırılması və istehsalçı firmanın üzr istəməsini tələb edib.

Axar.az xəbər verir ki, Çinin Berlindəki səfirliyi üzərində ingilis dilində "Bir iti qurtarın, min çinli yeyin" və "Bir köpək balığını qurtarın, bir çinli yeyin" yazısı olan köynəklərin satışının dayandırılması üçün xəbərdarlıq edib.

Bu köynəkləri istehsal edən “Spritşört” firması Çindən gələn reaksiyaları nəzərə alaraq üzr istəyib və bundan sonra etnik mənşə, milliyyət və din mövzularında ayrı-seçkilik və təhqir olmayacağını bildirib. Çin tərəfi isə bu üzrü qəbul etməyərək, satışın dayandırılmasını və yenidən üzr istənilməsini tələb edib.