Rusiyanın erməni əsilli hakeri Mark Vartanyanın işi üzrə ABŞ-da məhkəmə prosesi başlayıb.

Axar.az xəbər verir ki, bu barədə informasiya ABŞ Ədliyyə Nazirliyinin Feysbuk səhifəsində yerləşdirilib.

Qeyd edək ki, Vartanyan “Kolipto” ləqəbi ilə məşhur olub. O, keçən ilin dekabrında Norveç tərəfindən ABŞ-a ekstradisiya edilib.

ABŞ Federal Təhqiqatlar Bürosunun məlumatına görə, məhz Vartanyan başqa kompüterləri idarə etməyi bacaran “Citadel” virusunun internetdə yayılmasını təşkil edib.

Hazırda dünyada 11 milyon kompüterin bu virusa yoluxduğu iddia olunur. Virus nəticəsində müxtəlif şəxslər və şirkətlərə yarım milyard dollar ziyan dəyib.