Almaniyanın Köln şəhər bələdiyyəsi qondarma erməni soyqırımı abidəsi ucaldacaq.

Axar.az xəbər verir ki, qərara əsasən, abidə şəhər məzarlığında ucaldılacaq. Artıq bu qərara Köln Türkləri Həmrəylik Platformu etiraz edib. Təşkilat yaydığı bəyanatda bu qərarın cəmiyyətdəki stabilliyi pozmağa hesablandığını bildirib.

“Köln bələdiyyəsi ermənilərlə bərabər bizim də fikrimizi soruşmalı idi. Bu qərar Köln şəhərində daxili stabilliyi pozacaq. Bu, Kölndəki türklərə qarşı antidemokratik addımdır. Belə bir qərarın Birinci Dünya savaşı ilə əlaqəsi yoxdur. Biz bu qərarı rədd edirik. Bu qərar tam olaraq siyasi qərardır və onun qəbulunda Protestant Vəqfi Kilsəsinin də rolu vardır”.

Qeyd edək ki, Almaniya parlamenti keçən il erməni soyqırımını tanıyıb.

Hazırda Köln şəhərində 5 minə yaxın erməni, 200 mindən çox türk yaşayır.