El Salvadorda təhlükəsizlik işçiləri və şəbəkə üzvləri arasında silahlı qarşıdurma baş verib.

Axar.az xəbər verir ki, nəticədə 6 nəfər dünyasını dəyişib.

Məlumata görə, paytaxt San Salvadorda baş verən qarşıdurmadan sonra növbəti qətl hadisəsi baş verib ki, nəticədə 3 satıcı dünyasını dəyişib.

İddialara görə, bu şəxslər də həmin qarşıdurma nəticəsində öldürülüb.

Hadisə ilə bağlı 5 nəfər nəzarətə götürülüb.

Qeyd edək ki, El Salvadorun ən böyük iki şəbəkəsi olan “Barrio 18” və “Mara Salvatruça”nın 70 min üzvü var. Şəbəkə üzvləri və polis arasında bu cür qarşıdurmalar tez-tez yaşanır.