NATO-nun Baş katibi Yens Stoltenberq Türkiyə və Avstriyaya müraciət edərək aralarındakı diplomatik böhranı həll etməyə çağırıb.

Axar.az xəbər verir ki, baş katibin sözlərinə görə, iki ölkə mənfi nəticələrdən uzaq olmaq üçün tezliklə bu problemi həll etməlidir:

"Xoşagəlməz haldır. Bunun müşahidə olunması iki ölkə arasındakı əməkdaşlıq əlaqələrinin davam etməyəcəyini göstərir. Əməkdaşlıq baxımından mənfi nəticələrlə üzləşməsinlər deyə, onları aralarındakı bu problemi həll etməyə çağırırıq”.

Qeyd edək ki, Avstriya hökuməti Türkiyənin Avropa Birliyinə qəbulunun ən kəskin əleyhdarıdır. Rəsmi Vyana Türkiyənin dərhal 15 iyulda həbs edilən şəxslərin bir qisminin azadlığa buraxılmasını, eləcə də AB ilə Ankara arasındakı miqrasiya razılaşmasının ləğv olunmasını istəyir. Böhranın kuliminasiya nöqtəsi isə Niderlandla Türkiyə arasında yaranan gərginlikdən sonra yaşanıb. Belə ki, Amsterdamla Ankaranın gərginliyinin başlamasından dərhal sonra Avstriya ölkəyə türk siyasətçilərinin buraxılmasını qadağan edib.