Amerikada yeni maliyyə böhranı yaşanacaq.

Axar.az xəbər verir ki, bunu “İndependent” qəzetinə açıqlamasında amerikalı filosof Noam Çomski söyləyib.

“Tramp hökumətinin üzvləri əsasən milyarder qruplar, şirkət rəhbərləri və maliyyə qurumlarına bağlı olan şəxslərdən formalaşdırılıb. Trampın qələbəsindən sonra investorlar çox sevindilər. Onlar Trampın qərarlarının özləri üçün daha çox gəlir gətirəcəyini proqnozlaşdırdılar və bu proqnoz da əslində reallaşdı. Amma bu məsələnin özü fərqli bir maliyyə böhranına şərait yaradacaq. Bu böhran investorları narahat etmir. Ona görə ki, böhranın əziyyətini amerikalı vergi ödəyiciləri çəkəcəklər”, – deyə o bildirib.