Şimali Koreya balistik raketlər üçün nəzərdə tutulan yeni mühərrikin uğurlu sınağını keçirib.

Axar.az xəbər verir ki, bu barədə Koreya Dövlət Mərkəzi Teleqraf Agentliyi məlumat yayıb.

Sınaq Şimali Koreyanın şimal-qərbindəki Soxe kosmodromundakı start meydanında aparılıb. Sınağı ölkə lideri Kim Çen İn şəxsən izləyib.

Hakim Koreya Əmək Partiyasının mətbu orqanı olan “Nodon Sinmun” qəzeti bu barədə məlumatı və fotonu özünün birinci səhifəsində yerləşdirib.

Qeyd edək ki, ötən ilin aprelində Şimali Koreya həmin start meydanında qitələrarası ballistik raketlər, sentyabrda isə uzaq məsafəli raketlər üçün mühərriklərin sınağını keçirmişdi.