ABŞ Prezidenti Donald Trampın keçmiş milli təhlükəsizlik müşaviri Maykl Flinn bəzi Türkiyə rəsmiləri ilə birlikdə Fətulah Güləni ölkədən çıxarmaq haqda planlar qurubmuş.

Axar.az xəbər verir ki, bunu Mərkəzi Kəşfiyyat İdarəsinin (MKİ) keçmiş direktoru Ceyms Vulsey “Vol Strit Jurnal” nəşrinə açıqlamasında deyib.

Vulsey 2016-cı il sentyabrın 19-da baş tutan, özünün də iştirak etdiyi görüşdə Maykl Flinn, Türkiyənin Enerji və Təbii Sərvətlər naziri Barat Albayraq və Xarici İşlər naziri Mövlud Çavuşoğlunun da olduğunu bildirib.

Onun sözlərinə görə, görüş zamanı Flinn və Türkiyə rəsmiləri Fətullah Güləni gizli olaraq Türkiyəyə gətirmək haqda danışıqlar aparıblar.

Keçmiş MKİ görüşdə Gülənin gizlicə Türkiyəyə göndərilməsinin “pis bir fikir” olduğunu söylədiyini və həmin müzakirəni o dövrdə ABŞ prezidentinin köməkçisi olan Co Bayden ilə paylaşdığını deyib.

Qeyd edək ki, Rusiya ilə əlaqəsi olduğuna görə Tramp tərəfindən Milli Təhlükəsizlik müşaviri vəzifəsindən azad edilən Flinnin Türkiyə üçün lobbiçilik etdiyi iddiası da səslənmişdi.