Liviyanın sabiq lideri Müəmmər Qəzzafinin anası Ayşənin yəhudi olduğu barədə iddialar ölkəni qarışdırıb.

"Axar.az" xəbər verir ki, 1997-2010 illəri arasında Qəzzafinin yanında çalışan Nuri Mismari Ayişə Qəzzafinin yəhudi olduğunu bildirib.

Mismari qeyd edib ki, bu məsələdən xəbərdar olan hər kəsin öldürülməsi barədə Qəzzafi əmr verirdi. 2010-cu ildə rejimlə əlaqəsi kəsildikdən sonra Avropaya qaçan Mismari Londonda dərc olunan Əl-Həyat qəzetinə verdiyi xüsusi müsahibədə, Qəzzafinin ən sadiq adamlarından Saleh Bu Fervanın eyni səbəblə 1980-ci illərdə Rumıniyada öldürüldüyünü, Fervaya Ayişə Qəzzafinin yəhudi olduğunu deyən Liviyanın Roma səfiri Ammar Zunun da sirlərlə dolu bir sui-qəsdə qurban getdiyini vurğulayıb.