Qırmızı dənizin Yəmən sahillərində naməlum şəxslər tərəfindən neft tankerinə hücum olub.

Report xəbər verir ki, gəmiyə tərəf üç reaktiv qumbara atılıb, ardınca canilər ərazidən uzaqlaşıb. Tanker hazırda öz yoluna davam edir.

"EU NAVFOR təsdiq edə bilər ki, bu gün erkən saatlarda üç nəfər qayıqla Bab-əl-Məndəb boğazının cənub hissəsində Marşal Adaları bayrağı altında üzən neft tankerinə atəş açıb", - deyə missiyanın saytına yerləşdirilən məlumatda bildirilir.

Missiya hadisənin təfərrüatlarını araşdırır. İlkin qiymətləndirməyə görə, hücum piratlar tərəfindən edilib və Yəməndəki hərbi əməliyyatlarla əlaqəlidir.