İzmirdə relslər üzərində namaz qılaraq tramvayı dayandıran şəxs onu izləyənlərə əl etməklə reaksiya verib.

Moderator.az xəbər verir ki, İzmirin Karşıyaka rayonunda yol kənarında mikroavtobusunu saxlayan sürücü tramvay xəttinin kənarında namaz qılmağa başlayıb. Bu zaman hərəkət edən tramvay maşinisti onlarla sərnişini xətt üzərində dayandıraraq, namazın tamamlanmasını gözləyib.

Karşıyakadakı tramvay xəttində baş verən hadisə sosial mediaya damğa vurub. Mikroavtobus sürücüsü namaz vaxtını qaçırmamaq üçün Yalı prospekti üzərində avtomobilini park etdikdən sonra yol kənarındakı tramvay xətti üzərində namaz qılmağa başlayıb. Bu zaman xətdə olan tramvay maşinisti namaz qılan insanı görəndən sonra sürücünün yaxınlığında dayanıb. Sonra da onlarla sərnişinlə bərabər namazın bitməsini gözləyib.