YPG-yə hansı növ silahları verməyimizlə bağlı bütün məlumatları Türkiyəyə ötürəcəyik.

Axar.az xəbər verir ki, bu sözləri ABŞ-ın liderlik etdiyi İŞİD-lə mübarizə koalisiyasının sözçüsü polkovnik Rayan Dillon deyib.

“Biz bu məsələdə çox şəffaf şəkildə hərəkət edirik. Demokratik Suriya Qüvvələrinə verdiyimiz silahları da qeydiyyata almışıq. Eləcə də YPG-yə verdiyimiz silahların nömrələrini qeyd edib saxlamışıq. Müttəfiq ölkələrin narahatlığını aradan qaldırmaq üçün bu bu məlumatları onlarla bölüşəcəyik”, - amerikalı polkovnik bildirib.

Xatırladaq ki, bir müddət əvvəl ABŞ Prezidenti Donald Tramp SDQ-yə silah-sursatın göndərilməsi ilə bağlı sərəncam imzalamışdı. Ərdoğanın ABŞ-a səfəri zamanı bu məsələ liderlərin müzakirə mövzusu olmuşdu.