Sankt-Peterburqda yaşlı qadın küçədə soyuqdan ölüb.

Report xəbər verir ki, bunu şəhərin səhiyyə işçiləri bildirib.

Belə ki, 70-75 yaşlı qadın ictimai nəqliyyatın dayancağından xəstəxanaya aparılıb. Həkimlər ona ağır dərəcəli hipotermiya diqanozu qoyub. Yaşlı qadın xəstəxanada vəfat edib.

İyunun əvvəlində Sankt-Peterburqda sərin, küləkli, yağışlı hava müşahidə olunur.

Qeyd edək ki, hipotermiya insan bədənində temperaturun aşağı düşməsi nəticəsində yaran əlamətdir. Bu, insan soyuq şəraitdə uzun müddət qaldıqda yaranır. Leysan, külək və qar kimi amillər hipotermiyanın yaranmasının başlıca səbəbləri sayılır.